موضة البنات الجديدة مبعرفش اطبخ

بنوتة خلاص على وش جواز .. زي ما بيقولوا !
جميلة ما شاء الله .. على خلق ودين .. و.. و.. ما شاء الله
طب بتعرفي تطبخي؟؟
اه .. هو يعني .. أصل أنا .. هحاول !!
لسة هتحاولى ؟؟
اه ماهو لسة يعني هو أصل انا يعني ادامى كام شهر لسة على البناء
وانهاردة الخطوبة
بكرة العقد ..
بعده بنحضر تجهيزات العروسة من اداوت مطبخ ((ميعرفوش اللى فيها!))
بعده هنروح ننقي الأثاث (الأوضة والسفرة والصالون واوضة المعيشة)
بعده نمسح (ننضف) الشقة علشان نفرش
يالا العروسة انهاردة بتنقي المكياجات والذي منه ..
بكرة الحنة (احتفال للعروسة مع اصحابها في البيت)
بكرة الفرح
خلاص الوقت أنتهى والساعة وقفت !! .. يوم الفرح !!
أول أسبوع .. الأكل من والدتك و والدته .. تمام .. نتعشى انهاردة دليفري

الزوج نزل الشغل .. يالا هتعمليلنا ايه انهاردة !!!!
وتبدأ الكارثة ... !!!!

انا مبعرفش اطبخ ؟!
نعم ؟؟ ... امال هناكل ازاى ؟؟ .. هناكل من برة على طول الأكل اللى مش مضمون ده ؟؟

طب الحل ايه ؟؟
مشاااااااكل ... اسراف وتبذيييير .. سوء معاملة

دي بقة الموضة الجديدة
((مبعرفش أطبخ وتبدأ المعاناة))
ولأن هدفنا مسلمة متميزة جدا .. مطيعة لزوجها .. بتحافظ على بيتها .. بتساعد والدتها

هناخد كلنا مع بعض كورس الطبخ

كل يوم نتعلم أكلة جديدة ونجرب عليهم في البيت وربنا يستر .. ((مش احسن ما تطردى تانى يوم؟؟ ))

كلنا هنقرأ .. ونتعلم من الشيف .. ودي آخر فرصة .. علشان نبقى متميزات في مطبخنا !
هنطبق كل اللى بناخده
من أووووول كوباية الشاي وطبق الأرز وسلق البيض
لحد الحمام المحشي والطواجن والبيتزا والأكلات الجديدة

وبعد ما نتعلم .. هنسيب فرصة لإختراعاتنا .. بردو هنجرب عليهم في البيت .. وربنا يستر وما نطردش

تابعونا .. في أقوووى سلاسل الطبخ والإبداع
و الان حان وقت الطعام على حسب معدة
حضرتك
[img(66,66):f697]http://forums.way2allah.com/images/smilies/36_1_51[1].gif[/img:f697][img(66,66):f697]http://forums.way2allah.com/images/smilies/36_1_51[1].gif[/img:f697][img(66,66):f697]http://forums.way2allah.com/images/smilies/36_1_51[1].gif[/img:f697]
يالا بقى قوليلي رأيك