رسالة شكر لثوار
التحرير
الف شكر ليكوا
انا من هنا بهنيكوا
وبقلكوا ....
كتر الله الخير فيكوا
رساله
هقولهالكوا بامانه
شكرا
خليتوا طعم المرار جوه خاشمى يحلى
وبدأت احس ان اللى جاى احلى واحلى
وعرفت معنى ياعنى ايه كلمة وطن
ولما قولت عايز وطن
لاقيت الاجابه جاية من التحرير
كنت نايم على السرير
بفكر
فى اللى جاى والمصير
كنت بقول يارب سلمها
لصحاب الارض امنها
جيتوا ياشباب ساكت
فى مرة واحده
من تانى بانينها
شكرا ياللى قتلتوا الخوف جوانا
صحيتوا نبض
بقالوا سنين نايم جوانا
كان نفسى اروح واتكلم
واشارك ومنكم اتعلم
قالولى نعمل احزاب
قولتلهم دى الاحزاب خراب
كلمه تجيبهم والتانيه توديهم
شوفوا شبابنا
عملوا ايه باديهم
الله يرحم خاين بكرة
لو يوم جتلوا الفكرة
فى انه يخون
والله انا عارف
انه فى لحظه علينا هيهون
شكرا شكرا للثوار
خلونى من تانى اقول اشعار
وافتح صدرى
واقوم من بدرى
اقول للصبح
القايد نار
نارك مش هضلم تانى سمايا
وياللى زرعت الخوف جوايا
اصحى وفوق
علشان تلقى فى يوم
لنجاتك طوق
واوعى تفكر
انك تقدر
يوم توقف شعب كبير
واكبر شهاده
واكبر دليل
اهه قدامك فى التحرير
كل العالم شاف
وانا خلاص
مش راح اخاف
من على ايدكوا
مات الخوف
هلف واطوف
واقول لالوف
دول شبابنا
ولاد بلدنا
شكرا ليكوا وبجد كتير
وربنا معاكو ياشباب التحرير
الجمعة يوليو 27, 2012 7:54 pm من طرف 
