مراكبى
فوق البحر ماشى
موج يروح
وموج مجاشى
ومية زرقا
وسما صافيه
والبلطى عايم
وطيف النسايم
يعدى جنبى
ويمس خدى
ويقولى صبح
دا صباح مندى
مراكبى
فارد شراعى
اصولى لازم
ديما اراعى
مركبى عايم
فى البحر هايم
بقول يارب
مش طالب غنايم
دنا بس نفسى
ارجع لبيتى
معايا قوتى
وقوت عيالى
مراكبى
وع الشط راسى
مركب مخلع
بخشب مقلع
لو نقطة زادت يغرق
ومالغرق ايه يمنع
لانش طايش
صدمنى مرة
ولما قولت ليه ده كله
قاللى غور
تموت تولع
مراكبى ماشى
ع الميه ماشى
وبقول يارب
الرزق يكتر
والشبكة تكبر
علشان اربى
ولادى واعلم
علشان اعدى
ومالموجه اسلم
مراكبى ....
وفى نيلك يامصر
الخير كتير
والليل طويل
وفى نيلك يامصر
من عند الدمايطه
ورشيد وطنطا
وسوهاج والاقصر
واسوان الغاليه
وسد عالى
حاميكى يامصر
مراكبى
فى المية رزقه
من عند ربه
ماشى فى نيلك
نفسة يجيلك
من بر شرقى لبر غربى