الجمعية المصريه لمنع القبلات .... حقيقه مش خيال

طبيب مصرى يعلن إنشاء جمعية لمنع القبلات بين الأزواج

أجمل مافى الموضوع هو تعليقات القراء لم أتمالك نفسى من الضحك عندما قرأت التعليقات أرجوا منكم أن تقرأو ا المقال جيدا قبل قراءة التعليقات

في تقليعة جديدة لا يعرف أحد الهدف منها أعلن دكتور عادل عاشور أستاذطب الأطفال بكلية الطب جامعة القاهرة عن رغبته في إنشاء جمعية لمنع القبلات بين الأصدقاء وزاد على ذلك بإعلان رغبته في منع القبلات بين الأزواج وهو الأمر الذي بدا غريبا وفجر المناقشات داخل المجتمع المصري و عن السبب الرئيسي في طرحه فكرة إنشاء الجمعية أكد دكتور عادل أن كافة الأبحاث العلمية التي نشرت في كبرى المجلات الطبية العالمية أجمعت على الأضرار الطبية الخطيرة التي يسببها تبادل القبلات من خلال

إنتشار العدوى من الأمراض الخطيرة الفيروسية و الميكروبية وأبرزها الأمراض الجلدية ويأتى على رأسها حب الشباب ومن الأمراض الميكروبيةمثل مجموعة الميكروبات العنقودية وهي ميكروبات موجودة في فم الإنسان بصورة طبيعية كذلك الحمى الشوكية والأمراض الفيروسية التي تنقلها القبلة أيضا مثل الزكام و الرشح والتي يجب عدمالإستهانة بها حيث قد تصيب الخلاياالمبطنة
لخلايا ا لمخ وينتج عنها إرتفاع شديد في درجة الحرارة يصعب السيطرة عليها
وقد تؤدى الى الوفاة في بعض لأحيان، أيضا التهاب الغدة النكفية وكذلك الحصبة الرمادية و الألمانية والفيروسات الكبدية وأكد أن الجمعية تضم عضويتها كافة التخصصات الطبية لشرح الآثار السيئة للقبلة وعن رأى الدين في أهداف هذه الجمعية أكد الدكتور إسماعيل معروف بجامعة الأزهر أن تعاليم الدين الإسلامى تحرم القبلة في غير الإطار الزوجي وقد أكد العلم على وجود أضرار جسيمة لذلك وعن أراء المواطنين حول هذة الجمعية المزمع إنشاءها تنوعت الآراء بين الرفض والقبول هدى
محمد طالبة بكلية العلام وصفت الإعلان عن الجمعية بأنه كوميدي ولا يهدف
سوى إلى لفت النظر الى القائمين عليها إذ افتقد الإعلان عن منع القبلات
الأساليب التي سوف تتبع للتأكد من حدوث هذا المنع

التعليقات

هذا كلام فاسد وباطل بدون تردد، ومعارض لصحيح السنة النبوية، فقد ثبت
أن النبي صلى الله عليه وسلم كان يقبل زوجاته ، وكان يقبل السيدة فاطمة
والحسن والحسين رضي الله عن الجميع، وأفتى للشيخ بالقبلة في الصيام أنصح
الدكتور أن يبيع لب و يبطل تخاريف.

ــــــــــــــــــــــــــــــــــــــــــــــــــ ــــــــــــــــــــــــــ

وأنا أقول الرئيس البوسني مات ليه؟؟

ــــــــــــــــــــــــــــــــــــــــــــــــــ ـــــ

واحد يحرم البوسة بين الأزواج ، وواحد يحلل إن الواحدة ترضّع زميلها،

ما ترسونا على بر نرضع وما نبوسش ولا نبوس وما نرضعش

ــــــــــــــــــــــــــــــــــــــــــــــــــ ـــــــــــــــــــ

روح شوف العيش المسرطن ولا الشيبسى ولا مياه المجارى ولا الخضروات المسرطنه
والهرمونات ولاولاولاولاولا وبعدين إتكلم على البوس يا دختور

ــــــــــــــــــــــــــــــــــــــــــــــــــ ـــــــــــــــــــــــــــــــــــ

د ه يستاهل 80مليون بوسه من 80 مليون بوؤ عشان تجيله كل الأمراض اللى

فى الدنيا

ــــــــــــــــــــــــــــــــــــــــــــــــــ ــــــــــــ

نحن جمعية هنبوس هنبوس حتى لو البوس بفلوس

ــــــــــــــــــــــــــــــــــــــــــــــــــ ـــــــــــــــــــــــــــــــــــ

الحياة من غير بوس زي قلّة من غير ميّة

ــــــــــــــــــــــــــــــــــــــــــــــــــ ــــــــــــــــــــــــــــــــــــــــ

مش عارف أقول إيه مش كفاية مش لاقيين نتجوز كمان اللى متجوزين مش

حايبوسوا ؟ طب ده نسميه إيه ؟؟؟؟؟؟؟؟؟؟؟؟

ــــــــــــــــــــــــــــــــــــــــــــــــــ ـــــــــــــــــــــــــــــــ

اليوم تقليعة البوس بينقل الأامراض الجلدية وبكرة لاتلمس جسد زوجتك لمنع

إنتشار الأامراض الجلدية وبعد غد يستحسن إبادة صنف النساء. إنكم تسعون لتحريم الحلال (واضح إن البوس عامل مشكلة للدكتور أقولك حاجة... إعمل زي اللمبي بلغ لجنة حروق الانسان

ــــــــــــــــــــــــــــــــــــــــــــــــــ ــــــــــــــــ
طيب ولما رغيف العيش يقع على الأرض أجيبه وابوسه
ولا غلط .. يا حلاوة على العلم واللي بيتعلموه وأحب أقول لسعادة الدكتور
الفاضل إدرسلك حاجة تنفعك أحسن وسيب الناس تبوس ياعم وبلاش وساوس

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ

أنا عايزه أطمن الدكتور ده وأقوله إنه ولله الحمد معظم الأزواج فى مصر

مابيبسوش بعض أصلا !! بوس إيه يا عم بلاش قلة أدب، هوه إحنا بنتجوز

وندفع دم قلبنا ولاد وبنات علشان نبوس !! ايه المسخره ديه !!!

ــــــــــــــــــــــــــــــــــــــــــــــــــ ــــــــــــــــــــ

يعنى لو واحدة إسمها بوسي تغيره ويبقى متبوسيش بس كدة إتحلت خلاص

مع تحيات شركه متبوسيشي لانسر يا عم بوس إية اللى عايز تمنعه؟؟

ــــــــــــــــــــــــــــــــــــــــــــــــــ ـــــــــــــــــــــــــــــ

ده الواحد بيبقى لسة سايب صاحبه من ربع ساعة وبعدين يشوفه يقوم نازل فيه

بوس.. بوس أخوي طبعا.. وكمان عايز تمنعه بين الازواج......لا ده كده الواحد يلحق يتجوز قبل ميبقى قرار ويتناقش فى مجلس الشغب

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ

يعني بوس الواوا بح ؟

ــــــــــــــــــــــــــــــــــــــــــــــــــ ـــــــــــــــــــــــــــــــ

على رأي الفنان محمد رضا: مش هـ نبوس بقى

ــــــــــــــــــــــــــــــــــــــــــــــــــ ــــــــــــــــــــــــــــــــــــــ

ممكن كل واحد قبل ما يبوس البت بتاعته يتمضمض بمحلول ' البيتادين' ويدهن

شفايفه برضه بمحلول ' البيتادين' وبعد مايخلص البوسه يتف تلات مرات ويشرب

كباية .....أكيد ' بيتادين'... ربنا يشفيك

» جمعية مصرية لمنع القبلات