وانا جاى النهارده موال تانى خالص غير الاولانى .....
اول مرة انزلمن البيت لوحدى طبعا الوالد اجازة ليه مليش دعوة المهم ماشى فى الشارع فى امان الله بس الحمد لله اللى حصل ده قبل الفول ماشى براحتى لمحت بطرف عينى بنت وماشيه مع ولد بمعنى اصح اتنين عشاق ماشيين وياسلام على المنظر الايد فى الايد وكلام اسطوانات بيتعاد كل يوم المهم كانة ماشيين على المسطح الاخضر اللى بين العمارات فى حالهم بصيت ورايا ورجعت بصيت عليهم ملقتش البنت ... الارض اتشقت وبلعتها بس لاقيت الولد ماسك ايد حد بيشده طبعا اكتشفت انى وقعت فى نفس البلاعه من اسبوع وطلعت وانا حالتى ربنا مايحكمها على حد طبعا طلعت جرى وشديت مع الولد البنت والرعب ماليها هتروح تقول لماما ايه دلوقتى الغريب انى لما طلعناها بقولها امشو على الرصيف لان فى بلاعات كتيرفى المنطقه دى ممش باينه من النجيله عارفين قالتلى ايه ..... انتا مالك انت نمشى مكان مانحب .... قولت فى نفسى ازقها تانى ولا بلاش الطيب احسن ...
المهم ميعاد الفول اليومى ....
ضربنا الساندوتشين وبعيد عنكوا الغباء وصل الاتوبيس وصل قلت للسواق لا انا هيتنى نبيل اجى معاه فى عربيته ... عربيه ملاكى فيات من سنة تحتمس ماحرر ايران المهم الاتوبيس مشى وانا استنيت نبيل ....
ركبنا البى ام بتاعته ومشينا اول حاجه الكاوتش فرقع مش مشكله عملناها تانى حاجه وقفت على بنزين جرى من البنزينه فى جركن صغير وجبنا البنزين عادى اللى مش عادى بقى على طريقمصر اسماعليه الصحراوى انها تبوظ المشكله مش فى العربيه هنسيبها واللى هيجيلها هيحط عليها عشرة جنية ويكتب لينا ورقه بتقول عندكو براميل زباله كتير مش تسيبوا الزباله كده على الطريق .. المشكله هروح الشغل ازاى ....
الاغرب والانكت قدرنا والحمد لله الساعة 12 الظهر نوصل الشغل طبعا سيرا على الاقدام دخلت عند الماكينه بقول للى شغالين عليها ايه "" خدوا بالكو من ايديكو علشان الاسطمبات متقفلش عليها .... سبحان الله طب ماقول لنفسى ... فى لحظه لسه مخلص كلامى وهمشى مديت ايدى على الاسطمبه هلشان اشوفها سخنه ولا ايه قفلت عليها صباعى اتعور .....
الله يخرب بيت الفول
دمتم بود
محمد البحيرى
الجمعة يوليو 27, 2012 7:54 pm من طرف 
